زاگرۆس پۆست
كام 72 مەلایەكە؟! كام ئەخلاق؟! كوا شەرەف؟! كوا یەكتا بوونی خودا؟!
بەسە گاڵتە كردن بە ئیرادەی خەڵك، بەسە خورافات و وەعدەی درۆیین.
ئەگەر راستان بكردبایە بە سەر ناوی ئایدۆلۆژیای خۆرافات خوێنی ژن و منداڵتان نەدەڕژاند.
بۆ گەیشتن بە جەننەت بە تەمان خوێنی ژن ومنداڵی هەژار بڕێژن؟! ئەمەش ئەو كەرامەتە بوو كە باستان لە سەری ئەكرد؟!
تەنیا ئاواتم ئەوەیە كە بە كاریكاتۆر و بە نووسین شتێكتان پێ بڵێم، رێز گرتن لە ئینسانییەت و مرۆڤایەتی هەزار جار دۆعا و تەوافی ماڵی كەڵە خوایەتیتان بۆ ئەهێنێت.
كاتێك كە بتوانن رێز لە ژن و منداڵ بگرن، رێز لە وڵاتی خۆتان بگرن، ئەو كاتە گەورەترین عیبادەتتان كردووە. بۆیە پێویست ناكات پەنا بەریت بۆ هەورەكانی ئاسمان.
