سێ شه‌ممه‌ 25 حوزه‌یران 2024

گیان لەدەستدانی 2 كۆڵبەری كورد بە هۆی سەرما و سۆڵەوە

دوو كۆڵبەری كورد، لە ناوچە سنوورییەكانی نێوان شاری پیرانشار و هەرێمی كوردستان، بەهۆی سەرما و سۆڵەوە رەق هەڵاتن.

بە پێی راپۆرتی سەرچاوەكانی هەواڵ، كە دوو كۆڵبەر بە ناوەكانی”ئیبراهیم محەمەدزادە” تەمەن 40 ساڵ و “ئیبراهیم پایمەرد” تەمەن 27 ساڵ، كە لە ناوچە سنوورییەكان سەرقاڵی كۆڵبەری بوون، لە كوێستانەنەكانی “بەربنێ‌” و لە شوێنك بەناوی “كانی خودا” بەهۆی سەرماوە رەق هەڵاتوون.
هەروەها دەوترێ: ئەو دوو كۆڵبەرە هاوسەریان هەبووە و باوكی چەند منداڵن و خەڵكی گوندەكانی سەر بە ناحیەی “لاجان”ی سەر بە شاری پیرانشارن.

ساڵی رابردووش هەر لە مانگی رێبەرنداندا 3 كۆڵبەری دیكەی كورد لە ناوچەی “كێلەشینی” شاری شنۆ و 2 كۆڵبەری دیكەش لە ناوچە سنوورییەكانی ورمێ‌ هەر بەهۆی سەرما و بەفر بارینەوە رەق هەڵاتن.

نەبوونی دەرەتانی كار و سیاسەتی هەڵاواردن و دواكەوتووییی پارێزگەكانی رۆژهەڵاتی كوردستان، لە باری ئابووری و دەرەتانی كارەوە، دانیشتوانی ناوچە سنوورییەكانی ناچار كردووە بۆ بژیوی ژیان روو لە پیشەی كۆڵبەری لەسەر سنوورەكان بكەن، كە جیا لە تەقینەوەی مین، تەقە و دەستڕێژی راستەوخۆی هێزەكانی حكوومەتی ئیسلامیی ئێرانیش، بەردەوام كاسبكاران و كۆڵبەرانی كورد دەبنە قوربانیی و بەرەوڕووی خەساری گیانی و ماڵی دەبنەوە.

 

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.