زاگرۆس پۆست
دوێنێ سێشه‌مه له کتێبخانه‌ی گشتیی شاری سلێمانی، تۆڕی هاوڕێیانی ژینگه پرێس کۆنفرانسێکی بۆ کۆمه‌ڵێک له ئه‌ندام پارلمان‌و چالاکی ژینگه‌یی به‌ڕێوه‌بردو تێیدا باس له گرنگیی دامه‌زران وه‌زاره‌تی ژینگه کرا له هه‌رێمی کوردستان.
پرێس کۆنفراسه‌که کاتژمێر 10:11 سه‌رله‌به‌یانیی دوێنێ له هۆڵی محه‌مه‌د مه‌لاکه‌ریم به پێشکه‌شکاریی ژینۆ خالد ڕێکخه‌ری تۆڕه‌که به‌ڕێوه‌چوو.
هه‌واڵنێری زاگرۆس پۆست له سلێمانییه‌وه ڕایگه‌یاند: ژینۆ خالد له پرێس کنفرانسه‌که‌دا باسی له سه‌ردانی تۆڕه‌که‌یان بۆ پارلمانی کوردستان کردووه‌و له سه‌ردانه‌که‌دا باسیان له‌وه کردووه ژینگه بابه‌تێکی هه‌ره‌گرنگه‌و پێویسته وه‌ک بابه‌ته گرنگه‌کانی تر له پارلمان‌و ئه‌نجومه‌نی وه‌زیراندا بوونی ببێت.
تۆڕی هاوڕێیانی ژینگه له بواری هۆشیاریی ژینگه‌پارێزیی له ناو کۆمه‌ڵگاو حکومه‌ت کار ده‌کات‌و بنکه‌ی سه‌ره‌کیی له شاری سلێمانیه‌و پێکهاتووه له زیاتر له 20 ڕێکخراوی ژینگه‌پارێزو له زۆربه‌ی شارو شارۆچکه‌کانی هه‌رێمی کوردستان چالاکه.
