رۆژنامه‌نوسێك لەباشوری كوردستان تیرۆر كرا

ئێوارەی پێنجشەممە 5ی دێسامبر رۆژنامەنوس كاوە گەرمیانی لەشاری كەلار لەلایەن چەند چەكدارێكی نەناسراو تیرۆر كرا.
كاوه‌ گه‌رمیانی، سه‌رنووسه‌ری گۆڤاری رایه‌ڵ و په‌یامنێری رۆژنامه‌ی ئاوێنه‌ له‌ به‌رده‌م ماڵه‌كه‌ی خۆیدا له‌ شاری كه‌لار له‌لایه‌ن چه‌ند كه‌سێكه‌وه‌ ته‌قه‌ی لێكرا‌و بریندار كرا، دواتر گه‌یه‌نرایه‌ نه‌خۆشخانه‌ و له‌وێ گیانی له‌ده‌ستدا‌.
بەدوای تیرۆری ئەم رۆژنامەنوسە پەیام‌و بروسكەی ناڕەزایی لەلایەن سەرۆكایەتی هەرێم‌و حكومەتی هەرێمی كوردستان‌و لایەنە سیاسیەكان بڵاوكرایەوە‌و ئیدانەی ئەو كردەوەیان كرد.
كاوە گەرمیانی یەكێك لەو رۆژنامەنوسە بوێرانە بوو كە لەناوچەی گەرمیان كاری لەسەر هەڵدانەوەی دۆسیەی گەندەڵی بەرپرسانی ناوچەكە دەكرد.