زاگرۆس پۆست
بە هۆی بۆردومانی ئاسمانیی فڕۆكە جەنگییەكانی هاوپەیمانان لە باشووری پارێزگای كەركووك، 20 چەكداری رێكخراوی توندڕەوی داعش كوژران.
كەمێك پێش ئێستا سەرچاوەیەك لە كەركوك ئاشكرای كردووە، كە فڕۆكە جەنگییەكانی هاوپەیمانان چەكدارانی داعشیان لە شارۆچكەی حەویجە (55 كیلۆمەتری باشووری كەركووك) بۆردومان كردووە و زیانێكی زۆریان بەو چەكدارانە گەیاندووە. سەرچاوەكە ئەوەشی روونكردەوە، كە بە هۆی بۆردومانەكەوە، لانی كەم 20 چەكداری رێكخراوی توندڕەوی داعش كوژراون.
لە لایەكی دیكەوە هەواڵنێریی باسنیوز رایگەیاندووە كە، بەهۆی ڕووبەڕووبوونەوەی پێشمەرگە و شەڕڤانانی كورد لە كۆبانێ، ژمارەیەك چەكداری داعش كوژران، كە لە نێویاندا 3 ئەمیری ئەو گرووپە بەرچاو دەكەوێت.
وێنەی یەكێك لە ئەمیرە كوژراوەكانی داعش لە كۆبانێ:
