زاگرۆس پۆست
سەرچاوەیەكی ئەمنی باشووری كوردستان ئاشكرایدەكات ماوەیەك پێش ئێستا دوو گەنجی خەڵكی پیرەمەگروون سەر بە پارێزگای سلێمانی لە نیو ریزەكانی داعش كوژراون.
سەرچاوەیەكە بە سایتی تۆڕی هەواڵی سلێمانی راگەیاندووە كە: بە سەدان هاوڵاتی باشووری كوردستان لە گەنجانی شوێنە جیاجیاكان چونەتە ریزی چەكدارانی داعش و لە دوای هێرشی داعش بۆ عێراق و داگیركردنی ئەنبار، موسڵ و شنگال و چەند ناوچەیەكی تر، ھیچ كوردێكی ناو ئەو رێكخراوە نەگەراونەتەوە باشووری كوردستان.
لە درێژەی ئەو هەواڵەدا هاتووە كە، ئەو گەنجە كوردانەی لە ناو داعشدان رۆژانە لە شەڕەكاندا لێیان دەكوژرێت و لەم دواییانەشدا 2 گەنجی خەڵكی پیرەمەگروون لە ریزی ئەو رێكخراوەدا بەھۆی بۆردومانەكانەوە كوژراون .
بە پێی زانیاریەكان ئەو دوو گەنجەی خەڵكی پیرەمەگروون بران و پێشتر لە شاری رانییە نیشتەجێبون و ماوەی دوو ساڵیشە لە ناحییەی پیرەمەگرونی سەر بە پارێزگای سلێمانی نیشتەجێن و یەكێكیان ژیانی هاوسەری پێكهێناوە.
