زاگرۆس پۆست
ناوی ئەو كەسانەی كە لە خۆپشاندانی تایبەت بە رۆژی جیهانی كۆبانێ لە شاری سنە دەستگیر كران ئاشكرا بوو.
لە درێژەی ئەو هەواڵەدا كە *زاگرۆس پۆست* رۆژی شەممە 10ی مانگی خەزەڵوەر بەرامبەر بە 1ی مانگی نوامبر سەبارەت بە خۆپیشاندانی خەڵكی شاری سنە بۆ پشتیوانی و هاوخەباتی خەڵكی شاری كۆبانێ و دیاریكردنی ئەو رۆژە وەكوو رۆژی جیهانی كۆبانێ بڵاو كراویەوە و دواتر كۆبوونەوەكە لە لایەن چەكدارانی كۆماری ئیسلامیەوە هێرشی كرایە سەر، لە تۆڕە كۆمەڵایەتیەكانی ناوی ئەو كەسانه كە لەو خۆپیشاندانەدا دەستگیر كراون بڵاو كراوەتەوە.
ناوی ئەو كەسانە كە رێژەیان 12 كەسە و دوای بێ رێزی و هێرشی چەكدارانی كۆماری ئیسلامی بۆ سەر رێپێوان و خۆپیشاندانی هێمنانەی خەڵكی شاری سنە لە رۆژی جیهانی كۆبانێ بەڕێوە چوو و یەك كەسێكیش تێیدا بریندار بوو، بریتیە لە: خالید حسێنی، نعمەت نعمەتی، فەرید لەتیفی، شەهلا نادر وەیسی، ئەكبەر گوڵابی، مەسعود زەمانی، شەهرام بەخشەندە، یەدۆڵڵا سەمەدی، عومەر شەعبانی، سوهراب جەلالی، چیا رۆستەمی و پشتیوانی حسێنی.
