زاگرۆس پۆست
كاربەدەستێكی بالای دەوڵەتی پاكستان رۆژی هەینی 25ی رەزبەر رایگەیاند، بە هۆی تەقەی پاسەوانانی سەر سنووری ئێران، ئەفسەرێكی پۆلیسی پاكستان كوژراوە و 4 سەربازی دیكەش بریندار بوون.
واسی خان وتەبێژی گشتی سەرسنووری پاكستان بە هەواڵنێریی فەرانسەی راگەیاندووە كە، هێزەكانی سەر سنووری پاكستان خەریكی راودوونانی ئۆتۆمبیلی 2 كەسی گومانلێكرا بوو، كە لە لایەن پاسەوانانی سەر سنووری ئێرانەوە تەقەیان لێ دەكرێت و ئەفسەرێ گیانی لەدەست دەدات و 4 سەربازی دیكەش بریندار بوون.
كابەدەستێكی بالای ولایەتی بەلوچستانی پاكستانیش ئەم هەواڵەی پشتڕاست كردووەتەوە.
ئەمەش لەحاڵێكدایە كە شەوی رابردوو بە هۆی تێكهەڵچوونی پاسەوانانی سەر سنووری ئێران و چەند چەكداری نەناسراو لە پارێزگای سیستان و بەلوچستانی ئێران لە سنووری پاكستان، 2 چەكداری كۆماری ئیسلامی بە پلەی ئۆستوار دووهەم كوژران.
جێگای وەبیرهێنانەوەیە، لەم پەیوەندەشدا رۆژی پێنجشەممە 24ی رەزبەر هوشداری دایە پاكستان و وتی ئەگەر ئەو وڵاتە توانای پاراستنی سنوورەكانی خۆی نیە، ئێران خۆی رێكاری پێویست دەگرێتە بەر و بۆ بەرەوڕووبوونەوە لەگەڵ خراپكاران هیچ سنوورێك پێشمان پێ ناگرێت.
