زاگرۆس پۆست
بە پێی راپۆرتی هەواڵنێریی حكومەتی ئیلنا، كرێكارێكی تەمەن ٣٢ ساڵەی خەڵكی شاری سەقز لەكاتی خاوێن كردنەوەی دەزگای “پیكسێل”ی كارگەیەكی بەرهەمهێناندا، تووشی بەرق گرتوویی بوو و بەو بۆنەوە گیانی لەدەستدا.
فەرماندەی هێزی ئینتزامیی شارستانی سەقز هەواڵی گیان لەدەست دانی ئەو كرێكارە كوردەی پشتڕاست كردۆتەوە.
نەبوونی ئیمەنیی كار، نەبوونی كەلوپەلی ستاندارد، ئەستەم بوونی كار و ماندوو بوونی كرێكاران لەهۆكارە سەرەكییەكانی قوربانی بوونی كرێكاران لەكاتی كاركردن دان و بە هۆی بیمە نەبوونی ئەو كرێكارانە، بنەماڵەكانیان لەگەڵ كێشەی جیدی بەرەوڕوو دەبنەوە.
بیمەی كرێكاری زۆر بە ئەستەم كرێكارانی دەدرێتە كرێكاران و بەتایبەت كرێكارە گرێبەستیەكان و ئەگەریش بیمە دەكرێن، خاوەنكارەكانیان كێشەیان بۆ دروست دەكەن و لەخزمەتگوزارییە پزیشكییەكان بێبەرییان دەكەن.
