زاگرۆس پۆست
سەر لەبەیانی ئەمڕۆ شەممە 19ی مانگی رەزبەر، بەرپرسێكی باڵای كۆماری ئیسلامی لە پارێزگای سیستان و بەلوچستان كوژرا.
بە پێی راپۆرتی هەواڵنێریی حكومەتی مێهر، سەرلەبەیانی ئەمڕۆ دوو كەسی نەناسراو بە دەمانچە هێرشیان كردووەتە سەر بەهرام باشندە، بەرپرسی كاروباری كۆمەڵایەتی فەرمانداریی ئیرانشار و لە بەردەم ماڵەكەی خۆی كوشتوویانە.
كوشتنی ئەو بەرپرسەی كۆماری ئیسلامی لە حاڵێكدایە، كە سێ رۆژ پێشتر چوار كەس لە هێزە ئەمنییەتیەكانی شاری سەراوانی هەمان پارێزگا، هێرشیان كرایە سەر و كوژران.
هێرشبەران دوو كەس بوون و لە كاتێكدا ناوبراو لە بەر دەرگای ماڵەكەی هاتووەتە دەر و ویستوویەتی بچێت بۆ شوێنی كارەكەی، بە جلی كرێكاری شارەوانییەوە چاوەڕێیان كردووە و بە دەمانچە پێكاویانە.
فەرمانداریی شاری ئێرانشار رایگەیاندووە كە، هێشتا شۆناس بكوژان و هۆكاری كوشتنی ناوبراو ئاشكرا نیە.
