زاگرۆس پۆست
لاوانی شاری مەهابادیش ناڕەزایی خۆیان بەرانبەر بە دەستدرێژییەكانی ئەم دواییانەی داعش بۆ سەر رۆژئاوای كوردستان و بەتایبەت شاری كۆبانی دەربڕی و دەستیان دایە مانگرتن.
كۆمەڵێكی بەرچاو لە لاوانی مەهابادی بە مەبەستی پشتیوانی لە خەڵكی خۆڕاگری كۆبانی و ناڕەزایی بە هێرشەكانی چەكدارانی داعش بۆ سەر ئەو شارە كۆبوونەوەیەكی ناڕەزایی دەربڕینیان سازدا.
ئەمە لەحاڵێكدایە كە، بازاڕیەكانی شاری سنە، خوێندكارانی كورد لە شاری تەورێز و هەروەها كۆمەڵێ لە كوردانی دانیشتووی شاری تارانیش ئەم بەیانیە دەستیان دایە ناڕەزایی دەربڕین و رێكخستنی كۆبوونەوە و بڕیارە ئێوارەی ئەمڕۆش دووبارە لە شاری سنە كۆبوونەوەی ناڕەزایی هەر بۆ ئەو مەبەستە بەڕێوە بچێ.
