زاگرۆس پۆست
ژمارەیەك لە چالاكانی سیاسی شاری سنە بەرانبەر بە فیلمی “چ” وەدەنگ هاتن و بە بەرزكردنەوەی پلاكاردگەلێكی ناڕازیانە هەڵوێستی خۆیان بەرانبەر بەو فیلمە و چەواشەكاریی و بێ رێزیی بە بزاوتی شۆڕشگێڕانەی كوردستان دەربڕی.
لاوانی سنە بە هەڵكردنی پلاكاردگەلێك كە لە سەری نووسراوە “گەر هەزار جار فیلمی “چ”دروست بكەن، ناتوانن یایی كاك *فوئاد مستەفاسوڵتانی* لە دڵمان دەربكەن. ئێمە ناهێڵین و ئیزنتان پێ نادەین ئەم فیلمە ناڕەوایە لە كوردستان بڵاو كەنەوە” ناڕەزایی خۆیان بەرانبەر بەو فیلمە دەربڕیوە.
شایانی باسە، فیلمی (چ) لە دەرهێنانی ئیبراهیم حاتەمی كیا باس لە رۆڵ و نەقشی مستەفا چەمران لە كوردستان دەكات و لەو فیلمەدا بێ رێزیی بە گەلی كورد و بەتایبەت چالاكی و هەڵسووڕانی یەكێك لە رێبەرانی مەزنی رۆژهەڵاتی كوردستان واتە كاك *فوئاد مستەفاسوڵتانی* كردووە و ئەمەش خەڵك و بەتایبەت لاوانی شاری سنەی تووشی تووڕەیی و ناڕەزای دەربڕین كردووە.
