زاگرۆس پۆست
سبەینێ شەممە 19-7-2014، جەلال تاڵەبانی سەرۆك كۆماری عێراق و سكرتێری گشتی یەكێتی نیشتمانی كوردستان بە تەندروستییەكی باشەوە دەگەڕێتەوە خاكی هەرێمی كوردستان.
نوسینگەی سەرۆكایەتی كۆماری عیراق لە بەیاننامەیەكدا ئەمڕۆ18-7-2014، بڵاویكردەوە كە بەهۆی باشبوونی تەندروستیەوە، مام جەلال سبەینێ لە وڵاتی ئەڵمانیاوە، دەگاتەوە خاكی باشوری كوردستان و بەم بۆنەیەشەوە پیرۆزبایی لە سەرجەم دانیشتووانی باشوری كوردستان و عیراق كرد.
دوابەدوای ئەو بەیاننامەیە قوباد تاڵەبانی كوڕی جەلال تاڵەبانی و جێگری سەرۆكی حكومەتی هەرێمی كوردستان بە راگەیاندنەكانی وتووە كە، هەواڵكە راستە و وێڕای پشتڕاست كردنەوەی ئەو هەواڵە، پیرۆزبایی لە سەرجەم دۆستان و لایەنگرانی یەكێتی نیشتمانی كوردستان و بە گشتی خەڵكی باشوری كوردستان و سەرجەم هاوڵاتییانی عێراق كرد.
