زاگرۆس پۆست
هێزی ‘RR’ ئه‌و ناوه‌یه که دوای رووخانی رژیمی سه‌دام حسه‌ین له به‌هاری 2003، جه‌لال تاڵه‌بانی له‌سه‌ر کاروانی ‘راوڕوت’ی دانابوو: ئه‌و کاروانه بێکۆتاییه‌ی هه‌ڵیانئه‌کوتایه سه‌ر ناوه‌نده سه‌ربازی‌و ئیدارییه‌کانی رژیم‌و زۆربه‌یان به تاڵان برد.
ماڵپه‌ڕی که‌رکوک ناو ئه‌مڕۆ کۆمه‌ڵێک وێنه‌ی له دوای راکردنی هێزی سه‌ربازیی عێراق له ناوچه‌کانی خوارووی ئه‌و پارێزگایه بڵاو کردووه‌ته‌وه که راوڕوتی ناوه‌نده سه‌ربازی‌و ئیدارییه‌کانی پێشوو نیشان ئه‌ده‌ن.
له ماوه‌ی رابردوودا وه‌زیری پێشمه‌رگه‌ی هه‌رێمی کوردستان داوای کردبوو که پێش به هه‌رچه‌شنه داگیرکردنێکی که‌لوپه‌له سه‌ربازییه به‌جێماوه‌کان له ناوچه گه‌ڕاوه‌کانی هه‌رێمی کوردستان بگیرێت‌و هه‌موو ده‌سکه‌وته‌کان ره‌وانه‌ی هێزه‌کانی 70و 80 بکرێن له هه‌ولێرو سلێمانی.
ده‌وترێت دوای که‌وتنه رێی هێزی ‘RR’ نرخی چه‌ک‌و ته‌قه‌مه‌نی به شێوه‌یه‌کی به‌رچاو له باشووری کوردستان‌و عێراق دابه‌زیوه.
