زاگرۆس پۆست
راگەیاندنەكانی ئێران باس لە كوژرانی عەبدوڵڵا ئەسكەندەری یەكێك لە فەرماندەكانی پێشووی هێزی وشكانی كۆماری ئیسلامی لە سوریە دەكەن.
وێبسایتی رەجانیوز دەڵێت، ئەسكەندەری رۆژی 5ی جۆزەردان كوژراوە‌و هاوكات سایتی مەشرق ئاماژە بەوەدەكات كە ناوبراو رۆژی 1ی جۆزەردان كوژراوە.
پێشتر هەواڵی كوژرانی هەندێك لە فەرماندەكانی سپای پاسدارانی ئێران لە سوریە بڵاوكرایەوە، بەڵام راگەیاندنە فەرمیەكانی ئێران دەڵێن ئەو كەسانە بە دڵخواز بەشدارییان لە شەڕی سوریەدا كردووە.
هاوكات نەیارانی دەوڵەتی سوریە، سپای پاسداران بە ناردنی هێزی نیزامی بۆ ئەو وڵاتە‌و شەڕ دژی نەیارانی بەشار ئەسەد تاوانبار دەكات.
