زاگرۆس پۆست
رۆژی پێنج شەممە 1ی جۆزەردان كۆمەڵێكی بەرچاو لە شۆفێڕ تەكسیەكانی شاری سنە لە ناڕەزایەتی بە كەمبوونی نرخی كرێ تەكسی، لە مەیدانی قوبا هەڵكەوتوو لە ناوچەی بەهاران مانگرتنێكیان بەڕێوە برد.
لە درێژەی ئەم ناڕەزایەتیەدا مەئمورانی لیباس شەخسی‌و هێزی ئینتزامی‌و سەرۆكی یەكێتی تەكسیڕانی خۆیان گەیاندە شوێنی مانگرتنەكە.
شۆفێڕ تەكسیەكانی رایانگەیاندووە ئەگەر تا رۆژی دووشەممەی داهاتوو داواكاریەكانیان جێبەجێ نەكرێت سەرلەنوێ مانگرتنێكی دیكە وەڕێدەخەن.
شایانی باسە، 27ی گوڵانی رابردوو شۆفێڕ تەکسیەکانی رێگەی حەسەن ئاوا لە شاری سنە لە ناڕەزایەتی بە نەبوونی نرخێکی دیاریکراو ناڕەزایەتیان دەربڕی.
