زاگرۆس پۆست
بەپێی ئاماری وەزارەتی كار، ساڵی رابردوو 1800 كرێكار لە ئێران بەهۆی رووداوەكانی كار گیانیان لەدەستداوە كە 48%یان كرێكاری بیناسازی بوون.
جێگری وەزارەتی كاری ئێران لەكۆنفرانسێكدا دەڵێت بەهۆی كەمبوونەوەی ئەمنیەتی سەرمایەگوزاری، بارودۆخی گرێبەستی كار گۆڕانی بەسەردا هاتووە، بەجۆرێك كە زیاتر لە 90%ی گرێبەستەكانی كار لەساڵی رابردوو گرێبەستی كاتیی بوون‌و زۆربەی ئەم كرێكارانەش بیمە نەكراون.
پێشتر رێكخراوی پزیشكی دادوەری ئێران لە راپۆرتێكدا لە 9 مانگی سەرەتای ساڵی 1392 رایگەیاندبوو كە رێژەی مردن بەهۆی رووداوەكانی كار لە ئێران لەچاو رابردوو 13% زیادی كردوە.
بەپێی ئاماری ئەو رێكخراوە رۆژانە زیاتر لە 5 كرێكار لە ئێران لەكاتی كاركردن گیان لەدەست دەدەن.
لەپارێزگاكانی تاران، خوراسان رەزەوی‌و فارس زۆرترین ژمارەی مردنی كرێكاران تۆمار كراوە.
