خوڕەم ئابادی لوڕستان لە ریزی 20 شاری ئالوودەی جیهاندایە

لە دوایین ریزبەندی رێكخراوی تەندروستی جیهانیی، ناوی خوڕەم ئاباد لە نێوان 20 شاری ئالوودەی جیهاندا دەبینرێت.

رێكخراوی تەندروستی جیهانیی ماوەیەك لەوەپێش ناوی ئالوودەترین شارەكانی جیهانی بڵاوكردەوە كە تێیدا ناوی خوڕەم ئاباد ناوەندی پارێزگای لوڕستانی تێدایە.

ئەمە یەكەمین جار نیە كە شارەكانی ناو ئێران لە نێوان ئالوودەترین شارەكانی جیهاندان، بەڵكوو ساڵی رابردووش شاری ئەهواز لە ریزی ئالوودەترین شارەكانی جیهاندا بووەو هۆكارەكەشی دەگەڕێتەوە بۆ چالاكی پیشەیی بە تایبەت لە بواری نەوت‌و گاز لە دەوروبەری ئەو شارە.

بە پێی راپۆرتی رێكخراوی تەندروستی جیهانیی، شارەكانی ئیگدێر لە توركیە، كابۆلی ئەفغانستان، كراچی‌و راولپندی‌و پیشاوەری ئەفغانستان، نارایۆنگانجی‌و داكا‌و قازی پوور لە بەنگلادش‌و چەندین شاری گەورەو بچووك لە هێند‌و دۆحەی قەتەر‌و خوڕەم ئاباد ئالوودەترین شارەكانی جیهان لە بواری بێهداشتی جیهانین.