زاگرۆس پۆست
«عەزیمە ناسری»، بۆ دووھەم جار دەسبەسەر کرا
رۆژی پێنجشەممە ٥ی مانگی گەلاوێژ، «عەزیمە ناسری » چالاکی ژنی خەڵکی بۆکان، لە لایان ھێزە چەکدارەکانی سپای شاری بۆکان دەسبەسەر کرا و بۆ پرسینگەیەکی سپای شاری ورمێ، گواستراوە.
شایانی باسە، ھێزەکانی سپای پاسداران شاری بۆکان، ساعەت شەشی بەیانی ھێرشیان کردۆتە سەر ماڵی ئەو چالاکی ژن و بێ بەڵگەی یاسایی و بە ھۆکارێکی نادیار، نێوبراویان دەسبەسەر کردووە.
جێگای ئاماژەیە، رۆژی شەممە ٢٠ بەفرانباری ساڵی ١٣٩٩ ھەتاوی، « ناسری» بۆ ئەوەڵ جار لە لایان ھێزە چەکدارەکانی سپای پاسداران دەسبەسەر کرابوو و پاش دوو مانگ بە شێوەی کاتی و بە دانانی بارمتەی ٥٠ میلیۆنی تا کاتی دادگایی کردنەوەی، ئازاد کرابوو.
