زاگرۆس پۆست
كاندیدێكی ژن لە توركیە سەر بە پارتی ئاشتی‌و دیمۆكراسی بەدەپە لە هەڵبژاردنەكانی شارەوانیەکانی توركیە لە ناوچەی لیجە سەر بە ئامەدی باکووری کوردستان، لە سەر ئاستی توركیە زۆرترین دەنگەكانی بۆ خۆی مسۆگەر كرد.
رێزان زوگورلی لە ناوچەی لیجەی سەر بە ئامەد 91 لەسەدی دەنگەكانی ناوچەكەی خۆی بەدەستهێنا‌و بەمەش ناوبراو بووە سەرۆكی شارەوانی ئەو ناوچە.
لە هەڵبژاردنەكانی شارەوانی توركیە كاندیدەكانی بەدەپە شارەوانیەكانی دێرسیم، ئاگری، ئێدغر، سێرت، ماردین، شرناخ، جۆلەمێرگ، باتمان، ئامەد، وان‌و بدلیسیان بەدەستهێنا.
هاوكات ئەنجامە سەرەتاییەكانی هەڵبژاردنی شارەوانیەكان نیشانیدەدا، پارتی داد‌و گەشەپێدان كە ئەردۆغان سەرۆكایەتی دەكات لە زۆربەی شارەكانی توركیە سەركەوتنی بەدەستهێناوە.
