زاگرۆس پۆست
فیلمی فیچه‌ری دۆكیۆمێنتاری ”پێلاوه ون بووه‌كان”، له ده‌رهێنانی ھاوبەشی سینماکاری کورد “ره‌فیق فواد یارئه‌حمه‌دی” و “تۆماسۆ ئارامینی” كه سه‌باره‌ت به ژیانی ئارماندۆ لانزا، ئه‌ندامی پێشووی بریگادی سووری ئیتالیا و بزوتنه‌وه‌ی كۆمۆنیستی و ئاوانگاردی ئه‌و وڵاته له ده‌یه‌ی ١٩٧٠ی زایینییه بووه براوه‌ی خه‌ڵاتی باشترین فیلمی درێژی دوكیۆمێنتاری له فێستیڤاڵی نێودەوڵەتیی فیلمی کەلکەتە لە وڵاتی هێندوستان.
شایانی باسە، رەفیق فواد یارئەحمەدی سینماکاری کوردی خەڵکی رۆژھەڵاتی کوردستانە کە لە بواری گەشە و پەرەپێدانی سینما و ھونەری چەپ و شۆڕشگێڕانە کار و چالاکی دەکات.
