زاگرۆس پۆست
كاربەدەستێكی وەزارەتی دەرەوەی ئەمریكا دەڵێ، ئێران پاش ئەو رێككەوتنەی لە سەرماوەزی ئەمساڵ لەگەڵ گروپی پێنج زێدەیەك ئەنجامیدا، پابەندی بەڵێنەكانی نیە‌و بەردەوامە لەسەر بەرنامەی ناوكیی خۆی.
وانن وان دیپن جێگری هاوكاری وەزیری دەرەوەی ئەمریكا لە راپۆرتێكدا باس لەوەدەكات، هەوڵەكانی كۆماری ئیسلامی ئێران بۆ وەگەڕخستنەوەی چالاكیە ناوكیەكانی لە كاتێكدایە كە مەبەستی زلهێزە جیهانیەكان پاش رێككەوتنی ناوكیی لەگەڵ ئەو وڵاتە، بەرتەسككردنەوەی چالاكیە ناوكیەكانی ئێران بۆ ماوەی شەش مانگ بووە كە لە بەرانبەریشدا بڕیاربوو هەندێك لە گەمارۆكانی سەر ئێران كەم بكرێتەوە.
ئەم كاربەدەستەی وەزارەتی دەرەوەی ئەمریكا لە وەڵام بە‌و پرسیارەی كە ئایا هیچ گۆڕانێك لە رەفتاری ئێران بۆ كەمكردنەوەی گەمارۆكانی سەر ئەو وڵاتە هاتوەتە پێشەوە، ناوبراو وتی لە یەك وشەدا دەڵێم كە نا.
