زاگرۆس پۆست
دوابه‌دوای مه‌رگی ‘بێرکین ئه‌لوان’ تازه‌لاوی تورکیه‌یی که له خۆپیشاندانه‌کانی هاوینی رابردوودا پێکرابوو، ناڕه‌زایه‌تی بۆ جارێکی تر شاره گه‌وره‌کانی ئه‌و وڵاته‌ی گرته‌وه‌و پێکدادان له نێوان خه‌ڵک‌و پۆلیس هاته ئاراوه.هه‌ر دوابه‌دوای مه‌رگی ئه‌لوان‌و رژانه سه‌ر شه‌قامی لاوان، راگه‌یاندنه ئاڵمانییه‌کان هه‌واڵه‌که‌یان گواسته‌وه. به گوێره‌ی زانیارییه‌کانی هه‌واڵنێریی ئاڵمان له‌و باره‌وه، 9مانگ پێش‌و له درێژه‌ی بزووتنه‌وه‌ی گه‌زی له تورکیه ئه‌وو تازه لاوه پێکراوه‌و ئه‌مڕۆ گیانی له‌ده‌ست داوه. هه‌ر به‌و پێیه، ئه‌لوان هه‌شته‌مین قوربانیی بزووتنه‌وه‌ی گه‌زی‌ی تورکیه‌یه، که یه‌کێکیان پۆلیس بووه.
ئه‌گه‌رچی ده‌وترێت که ئه‌لوان به‌شداریی له ناڕه‌زایه‌تییه‌کاندا نه‌کردووه‌و له پشتی سه‌ریه‌وه پێکراوه، به‌ڵام دوای مه‌رگی، وێنه‌ی وه‌ک هێمایه‌ک به ده‌ستی هه‌زاران خۆپیشانده‌ره‌وه‌یه. دایکی ئه‌لوان له وته‌یه‌کدا به‌رپرسایه‌تیی راسته‌وخۆی مه‌رگی کوڕه‌که‌ی گه‌ڕاندووه‌ته‌وه بۆ ده‌وڵه‌تی ئه‌ردۆغان.
دوابه‌دوای هه‌ڵچوونی جه‌ماوه‌ری ناڕازی‌و هێرشی هێزه ئه‌منییه‌کان له ئیستانبوڵ‌و چه‌ند شاری تری تورکیه‌و باکوور پێکدادان هاتووه‌ته ئاراوه‌و چه‌ند که‌س بریندار بوون.
