زاگرۆس پۆست
بە ھۆی شەڕ و تێکھەڵچوونی ھێزەکانی رژیم لەگەڵ چەند کەسێکی نەناسراو لە خاڵە سنووریەکانی سەردەشت، لانیکەم ٨ کەس لە ھێزەکانی رژیم کوژران و بریندار بوون.
بەرەبەیانی ئەمڕۆ ھەینی ٩ی خەرمانان، بە ھۆی شەڕ و تێکھەڵچوونی ھێزەکانی سەر سنووری رژیمی کۆماری ئیسلامی لە سنووری سەردەشت کە دەستیان بە خوێنی دەیان کۆڵبەری کورد سوورە، ٣ کەس لە ھێزەکانی رژیم کوژران و لانیکەم ٥ کەسی دیکەش بریندار بوون.
دەوترێ ئەم تێکھەڵچوونە لە لایەن ھێزێکی کوردی و بە مەبەستی تۆڵە کردنەوەی خوێنی بە ناحەق رژاوی کۆڵبەران ئەنجام دراوە، بەڵام تا ئێستا ھیچ لایەنێک ئەم شەڕەی نەگرتووەتە ئەستۆ.
شایانی باسە، لە ماوەی یەک مانگی رابردوو زیاتر لە ٢٠ کۆڵبەر و کاسبکاری کورد بە دەستی ھێزەکانی رژیم کوژراو و بریندار بوون.
