زاگرۆس پۆست
كەژوان ئازادیان خوێندكاری زانكۆی پەیام نووری مەریوان بە مەبەستی تێپەڕاندنی حوکمەکەی رەوانەی زیندانی مەریوان کرا.
ئەمڕۆ چوارشەممە ٢٧ی مانگی ئەیار کەژوان ئازادیان بۆ تێپەڕاندنی سزایەك كە لە لایەن دادگای ئێنقلابی رژیمەوە بە سەریدا سەپاوە، ڕەوانەی زیندانی شاری مەریوان كرا.
ناوبراو بەھاری ٢ ساڵ لەوەپێش بە تۆمەتی بانگەشە بۆ ئۆپۆزیسیۆنی رژیمی ئێران لە لایەن ھێزەکانی ئیتلاعاتی سپای پاسدارانەوە دەستگیر كرا و دواتر لە دادگای ئێنقلابی ئەو شارە، بە ساڵێك زیندان سزا درا كە ماوەی سزاكەی لە دادگای پێدۆچوونەوەدا بۆ ماوەی ٢ مانگ كورت كرایەوە و لە ئەمڕۆ بەدواوە حوکمەکەی جێبەجێ دەکرێت.
