زاگرۆس پۆست
رێکخراوی جیھانی کار بە پێی توێژینەوەیەکانی خۆی پێشبینی دەکات کە بە ھۆی پەرەسەندنی ڤایرۆسی کوید ١٩ لە خراپترین حاڵەتدا ٢٤ میلیۆن و ٧٠٠ ھەزار کەس و لە باشترین حاڵەتدا ٥ میلیۆن و ٣٠٠ ھەزار کەس بە رێژەی ١٨٨ میلیۆنی بێکارانی جیھان زیاد دەبێت و پێشگرتن لەم بابەتە پێویستی بە ھەوڵێکی خێرای جیھانی بۆ پشتگیری لە کار و کرێکاران ھەیە.
ئەم رێکخراوەیە ھەروەھا دەڵێ، قەیرانی ئابووریی ساڵی ٢٠٠٨_٢٠٠٩ بووە ھۆی بێکار بوونی ٢٢ میلیۆن کەس لە جیھاندا.
رێکخراوی جیھانی کار بە پێشبینی پەرەسەندنی رێژەی ھەژاری لە جیھاندا و بە ھۆی نەخۆشی کرۆنا باس لەوە دەکات کە، ئەگەری ئەوە لە ئارادایە کە ھەژاری بەرۆکی ٨ میلیۆن و ٨٠٠ ھەزار تا ٣٥ میلیۆن کرێکار لە جیھاندا بگرێت.
گای رایدر سکرتێری گشتی رێکخراوی جیھانی کار بە ئاماژە بە ئەوەیکە ئەم قەیرانەی ئێستا تەنیا ڤەئرانێکی جیھانی تەندروستی نیە و ئەمە لە راستیدا دەبێتە ھۆی قەیرانی کار و ھەروەھا قەیرانێکی ئابووری بەربڵاویش. ناوبراو ھەروەھا دەڵێ: بۆ بەرەنگار بوونەوەی ئەم دۆخە بەرەیەکی یەکگرتووی جیھانی پێویستە.
