زاگرۆس پۆست
رۆژی شەممە 17ی رەشەمە رۆژی جیهانی ژن كاتژمێر 6ی ئێوارە لە كەمەربەندی كارگەر لە شاری سنە بەڕێوەچوو.
سەرەڕای خولقاندنی كەش‌و هەوایەكی تەواو ئەمنیەتی بەسەر شاری سنە‌و ئامادەباشی هێزەئەمنیەتیەكان، كۆمەڵێك لە چالاكانی بواری مافەكانی ژنان لە شەقامی كەمەربەندی 25ی شەهریوەر كۆبوونەوە‌و بە بەرزكردنەوەی پلاكاردی سوور، رێزیان لە رۆژی جیهانی ژن گرت.
لە كاتی بەڕێوەچوونی ئەو رێورەسمە چەندین درووشمی وەك كرێكاری بەندكراو دەبێ ئازاد بكرێ، زیندانی سیاسی ئازاد بكرێت بەرز كرایەوە. ئەم رێورەسمە لە دۆخێكدا بەڕێوەچوو كە لە 4 رۆژی رابردوودا كەش‌و هەوای ناوشاری سنە بە تەواوی ئەمنیەتی كرابوو.
بە تایبەت شەقامەكانی شاپوور، فردەوسی، شەشی بەهمەن، مەیدان ئێقباڵ‌و چوارڕای چوارباخ، بازاڕی ئاسف‌و شەقامی سیروس، لە لایەن مەئمورانی كۆماری ئیسلامی بە تەواوی كۆنتڕۆڵ كرابوو.
