لاوێکی دیکە لە ژێر ئەشکەنجەی ئێتلاعاتی سنە گیانی بەخت کرد+ وێنە

دوای گرتنی هەڕەمەکی دەیان لاوی شۆڕشگێڕ و ناڕازی لە لایەن دەزگا ئەمنی و ئیتلاعاتییەکانی رژیمی ئێرانەوە لە پاش ڕاپەڕینەکانی ئەم دواییە و کوشتاری بە کۆمەڵی خەڵک لەو شارانەی خۆپیشاندان کرابوون، ماوەیەکە ڕادەی جەنایەتەکانی رژیم ئاشکراتر دەبن و ھەموو رۆژێک لە شوێنێک لە دەرەوەی شارەکان تەرمی کوژراوێک ئەدۆزرێتەوە.
چەند رۆژێ پێشتر چوار کەس بە کۆژراوی لە ناوچەی مەریوان و دوێنی جومعە 15ی سەرماوەز لە نێوان جادەی سنە_کامیاران تەرمی لاوێک بە ناوی کاوە وەیسانی کوڕی فەتحۆڵڵا بە کۆژراوی دۆزرایەوە کە ماوەیەک بوو گیرابوو و بنەماڵەکەی دوای ناڕەزایەتییەکانی شاری سنە ئاگایان لە سڵامەتی نەبوو.
تەرمی ئەو لاوە هێشتا ڕادەستی بنەماڵەکەی نەکراوەتەوە.