زاگرۆس پۆست
ته‌قینه‌وه‌ی مین له کوردستان به‌ڕووی هاوڵاتیانی کوردستان به‌تایبه‌ت له ناوچه‌کانی سه‌رسنووری باشوورو باکووری کوردستان بووه‌ته دیارده‌یه‌کی باو. مین به‌رده‌وام یه‌کێک له ترس‌و دڵه‌ڕاوکێکانی ژیانی کۆچه‌ری‌و کاسبکارو منداڵانی گونده‌کانی کوردستان بوو‌ه‌و به درێژایی ساڵانی شه‌ڕه‌کانی ئێران-عێراق‌و هێرشی کۆماری ئیسلامی بۆ سه‌ر کوردستان سه‌دان کێڵگه‌ی مین له مه‌زراو شاخه‌کانی کوردستان دروست کراوه‌و گیانی سه‌دان مرۆڤ‌و ئاژه‌ڵی سه‌ندووه‌و تا ئێسته‌ش به‌شێکی به‌رچاوی وه‌ک خۆی ماوه‌ته‌وه.
ئه‌م وێنانه، ئه‌لبوومێکه له قوربانییانی مین له کوردستان که له ساڵه‌کانی 2005و 2006 به کامێرای وێنه‌گر شێرکۆ جه‌هانی‌ئه‌سڵ گیراوه.
