زاگرۆس پۆست
هێزی ئینتیزامی شاری بانە لە هێرشێكدا لانیكەم 80 كاسبكاری سنوری ناوچەی بانە دەستگیر دەكات‌و دەست بەسەر كەلوپەلەكانیاندا دەگرێت.
بەپێی راگەیەنراوێكی هێزی ئینتیزامی شاری بانە‌و بە جێبەجێكردنی 19 هەڵمەتی پۆلیسی لەوشارە، 4 ئۆتۆمبیلی هەڵگری كاڵا دەستی بەسەردا گیراوە‌و لانیكە 80 كاسبكاریش لەم پەیوەندەدا دەستگیركران‌و رادەستی بەرپرسانی قەزایی كراون. بەپێی ئەو هەواڵە كەلوپەلەكان بایی نزیكە 600 ملیۆن تمەن دەبێت.
هەر بە پێی ئەو هەواڵە لە شاری سەوڵائاوایش نزیكە 200 ملیۆن تمەن كاڵا لەلایەن هێزە ئینتیزامییەكان دەستی بەسەردا گیرا‌و لەم پەیوەندەدا چەند كاسبكارێكی كورد دەستگیركران.
