کوژران و برینداربوونی ٩ کەس لە هێزەکانی ڕژیم لەناوچەی ورمێ

لەشەڕ‌و تێكهەڵچونێكدا كە لەنێوان هێزێكی چەكدار‌و هێزەكانی رژیم لە ناوچەی ورمێ روویدا، 9 كەس لە هێزەكانی كۆمار ئیسلامی كوژران‌و برینداربوون.

بەپێی هەواڵی میدیاكانی رژیم رۆژی شەممە ٦ی خەرمانانی ١٣٩٦ی هەتاوی، لە تێکهەڵچوونێکی چەکداری لە نێوان هەنگی سنووریی ڕژیم لە ورمێ و هێزێکی کوردیدا، ٩ کەس لە هێزەکانی ڕژیم کوژراون و بریندار بوون.

لەو تێکهەڵچوونەدا، ٢ کەس لە مەئموورانی ڕژیم کوژراون و ٧ کەسیشیان بریندار بوون کە دەگوترێ دۆخی جەستەیی ٣ کەسیان ناجێگیرە.

بە پێی هەواڵی میدیاکانی ئێران ئەو تێکهەڵچوونە لە نیوان هێزەکانی ڕژیم و گریلاکانی پژاک روویداوە بەڵام تا ئیستا هیچ هێز و لایەنێکی کوردی ئەنجام دانی ئەو عەمەلیاتەی وەئەستۆ نەگرتووە.

چەند سەرچاوەیەکی نافەرمی ناوی یەکێک لە کوژراوەکانیان “سەرهەنگ دووهەم، فیرووزی” ڕاگەیاندووە.

ناوی بریندارەکان بەو شێوەی خوارەوەیە:

١- ئیستوار دووەم، ڕەزا نیعمەتی

٢- گرووبان یەکەم، مستەفا بەسیر

٣- گرووبان یەکەم، ئەمین میرزایی

٤- حوسێن قارەمانی- سەرباز

٥- هادی ئەسڵانی- سەرباز

٦- سەعید تەقی لوو- سەرباز

7. سیامەک محەمەدی- سەرباز