زاگرۆس پۆست
هه‌واڵنێرییه حکومه‌تییه‌کان له ئێران هه‌واڵی هه‌ڵوه‌شاندنه‌وه‌ی به‌رنامه‌ی قسه‌کردنی مه‌عسومه ئیبتکار سه‌رۆکی رێکخراوی ژینگه‌‌پارێزیان راگه‌یاند که بڕیار بوو له نوێژی هه‌ینیی ئه‌مڕۆی تاراندا به‌ڕێوه‌بچێت.
به گوێره‌ی سه‌رچاوه‌کانی هه‌واڵ له رۆژانی رابردوودا هه‌واڵی قسه‌کردنی ئیبتکار بڵاو بووه‌وه وه‌ک یه‌که‌م ژنێک که له مێژووی نوێژی هه‌ینی له ئێران قسه بکات. هه‌ر له‌و پێوه‌ندییه‌دا لیژنه‌ی به‌ڕێوه‌بردنی نوێژی هه‌ینی رایگه‌یاند محهمهدهادی حه‌یده‌رزاده به بۆنه‌ی حه‌فته‌ی هه‌وای پاک له نوێژی هه‌ینی قسه ده‌کات.
تائێسته هۆکاری قسه‌نه‌کردنی ئیبتکارو جێگرتنه‌وه‌ی له لایه‌ن حه‌ید‌رزاده‌وه رانه‌گه‌یه‌نراوه، به‌ڵام سه‌رچاوه‌کان باسیان له دژایه‌تیی که‌سایه‌تییه ئایینییه‌کانی به‌شداربوو له نوێژی هه‌ینی کردووه له گه‌ڵ قسه‌کردنی ژنێک له مینبه‌ری نوێژی هه‌ینییه‌وه.
وێنه: محهمهدهادی حه‌یده‌رزاده، به‌ڕێوه‌به‌ری ژینگه‌پارێزی تاران.
