زاگرۆس پۆست
سەرۆكی سەنتەری ڕووبەڕووبوونەوەی تیرۆر سەربە كۆمەڵەی وڵاتانی بێلایەن ئاماژە بەوەكات كە دوو هەزار كەسی رووسی لە ڕیزی رێكخراوی داعش شەڕدەكەن و ئەمەش لەحاڵێكدایە كە هەندێ لە كارناسان رێژەی روسیەكانی نێو داعشیان نزیك بە 5 هەزار كەس بەراوەرد كردووە، هاوكات ئاڵمانیش هۆشداریدەدات لە پەیوەندیكردنی 200 هەزار ئەندام و چەكداری توندڕەوی خەڵكی لیبی بە ڕێكخراوی داعش لەناوچەكەدا.
“ئاندرێ نۆفێكوف” سەرۆكی سەنتەری ڕووبەڕووبوونەوەی تیرۆری سەربە كۆمەڵەی وڵاتانی بێلایەن لە دیدارێكی رۆژنامەوانیدا رایگەیاند: نزیكەی دوو هەزار كەسی رووسی لە ڕیزەكانی ڕێكخراوی توندڕەوی داعش لە سووریە وعێراق شەڕ دەكەن و هاوكات هۆشداریشدا سبارەت بە گەڕانەوەی ئەو چەكدارانەی نێو رێكخراوی داعش رەوشی ئەمنیەتی وڵاتانی بێلایەن لە ئایندەدا تێكدەچێت.
لەبەرامبەردا، سەرچاوەیەكی ئەمنی لە ئاڵمان لە ڕێگەی پێدانی زانیاری بە میدیاكانی ئەو وڵاتە ئاشكرایكردووە كە حكومەتی بەرلین لە توێژینەوەیەكی نهێنیدا پێشبینیكردووە، ئەگەر نا ئارامی لە لیبی بەردەوام بێت، ئەوا رێكخراوی داعش گروپەكانی لە لیبیا كۆدەكاتەوە، كە ژمارەی گروپە چەكدارییە توندڕەوەكانی نزیك لە داعش لە لیبی نزیكەی 200 هەزار كەس دەبێت.
