زاگرۆس پۆست
ئەندامێكی دیەی سپای پاسداران لە شاری سەردەشت بە هۆی شەڕ و تێكهەڵچوون لەگەڵ هێزە كوردییەكان كوژرا.
بە پێی راپۆرتی ماڵپەڕە حكومەتییەكانی كۆماری ئیسلامی، شەوی شەممە لەسەر یەكشەممە 24ی مانگی جۆزەردان، لە ئاكامی شەڕ و تێكهەڵچوون لە نێوان هێزە كوردییەكان و ئەندامانی سپای پاسداران لە ناوچە سنوورییەكان شاری سەردەشت، ئەندامیًكی سپا بە ناوی “روحوڵڵا سوڵتانی” خەڵكی ئاوایی “كەچەب كەلوا”ی سەر بە “دابودەشت”ی ئامۆل كوژرا.
سپای پاسداران كوژرانی ناوبراوی بە تێكهەڵچوون لەگەڵ هێزەكانی پژاك پەیوەند داوەتەوە، بەڵام هەتا ئێستا پارتی كرێكارانی كوردستان (پەكەكە) هیچ لێدوانێكی لەوبارەوە نەبووە.
شایانی باسە، لە ماوەی رۆژانی رابردوو 6 ئەندامی دیكەی سپای پاسدارانی كۆماری ئیسلامی لە بەشی شاهۆی شاری كامیاران لە لایەن هێزە كوردییەكانەوە كوژران، بەڵام هیچ لایەنێك بەرپرسیاریەتی كوژرانی ئەو 6 ئەندامەی سپای پاسدارانی نەگرتە ئەستۆ.
