زاگرۆس پۆست
50 سێناتۆری ئەمریكایی رایانگەیاندووە، لە ئەگەری شكستی وتووێژەكانی داهاتووی ژێنێڤی دوو خوازیاری زۆربوونی گەمارۆ نوێكان دژی ئێرانن.
بە پێی پێشنووسێكی یاسای نوێ، ئەگەر كۆماری ئیسلامیی ئێران رێككەوتننامەی ژێنێڤ پێشێل بكات، دەوڵەتی ئەمریكا دەبێ گەمارۆی نوێ بخاتەسەر ئەو وڵاتە.
بەرەی دێمۆكرات لە مەجلیسی سەنای ئەمریكا زۆرینەی مەجلیسیان بەدەستەوەیە‌و ئەم پێشنیارە نوێیە، توانیویەتی لە هەردوو حیزبی دێمۆكرات‌و كۆماریخواز، كۆمەڵێك پشتیوان بۆ لای خۆی رابكێشێت.
ئەم گەڵاڵە ناوی، ئێران بە بێ چەكی ئەتۆمی لێنراوە‌و هەواڵنێریی رۆیتێرز لە زاری یەكێك لە هاوكارەكانی نوێنەرێكی سەنای ئەمریكا دەڵێت، دوو سێناتۆرێكی دیكە هاتونەتە پشت ئەم پێشنیارە نوێیە بە مەبەستی گەمارۆ خستنەسەر ئێران‌و بەمشێوە رێژەی نوێنەرانی ئەم گەڵاڵە دەگاتە 54 كەس.
