زاگرۆس پۆست
رۆژنامەی جونگ ئانگ ئیلبو رایگەیاند، 7 كەس لە ئەفسەرانی پایەبەرزی دەوڵەتی كورەی باكوور هاوڕێ لەگەڵ خزمی نزیكی كیم جونگ ئون رێبەری ئەو وڵاتە كە كەسی ژمارە دوو لە ساختاری دەسەڵات بوو ئێعدامكراون.
بە پێی راپۆرتی هەواڵنێریی فەڕانسە، ئاژانسی هەواڵنێریی كورەی باكوور 13 دێسامبر رایگەیاندبوو كە جانگ سونگ تانك بە هۆی هەوڵدان بۆ رووخانی دەوڵەت ئێعدامكراوە. بە وتەی رۆژنامەی جونگ ئانگ ئیلبو دوو كەس لە كاربەدەستانی پایەبەرزی حیزبی دەسەڵاتدار، دوو كەس لە ئەندامانی دەوڵەت، دوو فەرماندەی ئەرتەش‌و بەڕێوەبەرێك هاوكات لەگەڵ ” جانگ سونگ تانك ” ئێعدامكراون.
ئەم رۆژنامە ئاماژەی بەوەداوە، سەرەڕای ئەو وێنانەی كە لە دەسبەسەركردنی جانگ سونگ تانك لە كۆبوونەوەی حیزب لە 9ی دێسامبر بڵاو كرایەوە، ناوبراو لە نیوەی نوامبر لە ماڵەكەی خۆی لە دەسبەسەریدا بووە.
