زاگرۆس پۆست
ئەندامێكی ئەنجومەنی مەولەوی كورد لە شاری سنە بە هۆی رووداوێكی دڵتەزێنی هاتووچۆ لە رێگەی نێوان سنە – كرماشان گیانی لەدەستدا.
سەرلەبەیانی رۆژی هەینی 22ی سەرماوەز خاتوو فەریبا غوڵامی هاوڕێ لەگەڵ خۆشك‌و براكانی كە بە ئۆتۆمبیلێك لە حاڵی گەڕانەوە بۆ شاری مێهران بوون، لە نیوەی رێگە ئۆتۆمبیلەكەیان تووشی كێشە دەبێت‌و بەمشێوە شۆفێڕەكە لە گۆشەیەكی رێگە ئۆتۆمبیلەكە رادەگرێت. هاوكات ئۆتۆمبیلێكی دیكە لەسەر رێگەی سەرەكی دەچێتە دەرەوە‌و خۆی بە ئۆتۆمبیلەكەیاندا دەكوتێت‌و لە ئاكامدا هونەرمەند فەریبا غوڵامی گیانی لەدەست دەدا.
ناوبراو ماوەیەكی دوورو درێژ لە ئەندامانی چالاكی كۆمیتەی بەدواداچوون‌و توێژینەوەی مەلەوی بوو كە سەرەڕای چالاكیە ئەدەبیەكان لە بواری ژەنینی ئامێری سەنتووریش شارەزا بوو.
