تەرمی رۆژنامەنووس كەیومەرس مەنسوری لە شاری سلێمانی ئەسپەردەكرا

ئەمڕۆ پێنج شەممە 21ی سەرماوەزی 1392 تەرمی رۆژنامەنووس كەیومەرس مەنسوری بە بەشداری سەدان كەس لە هاوڵاتیانی كوردی باشورو رۆژهەڵاتی كوردستان لە گۆڕستانی گردی سەیوان لە سلێمانی ئەسپەردەكرا.

كەیومەرس مەنسوری رۆژنامەنووس‌و چالاكێكی بواری راگەیاندن‌و میدیای كوردیی بوو كە لە ماوەی چەند ساڵی رابردوو تواناییەكی زۆری لەو بوارە لە خۆی نیشاندا‌و بەمشێوە خزمەتی بە بەرەوپێشچوونی خەباتی رزگاریخوازانەی گەلی كورد دەدا.

ناوبراو ماوەیەك بوو كە تووشی نەخۆشیەكی كوشندە هاتبوو، بەڵام سەرەڕای هەوڵێكی زۆری دۆستان‌و دڵسۆزان‌و پاش ماوەیەك دەست‌و پەنجە نەرم كردن لەگەڵ ئەم نەخۆشیە، شەوی چوارشەممە 20ی سەرماوەز لە نەخۆشخانەیەك لە سلێمانی ماڵئاوایی لە ژیانكرد.