زاگرۆس پۆست
لە ماوەی چەند مانگی رابردوو، شیركەتێكی كانگای بەرد لە نزیك ئاورگە یان ئاورگای “سیاگڵ” سەر بە شاری “ئەیوان” لە پارێزگای ئیلام، خەریكی چالاكی كردنە و بەو بۆنەوە ئەگەری لەنێوچوونی ئەو ئاسەوارە مێژووییە دروو لە چاوەڕوانی نیە.
بە پێی هەواڵی گەیشتوو بە “زاگرۆس پۆست”، ئاورگای “سیاگڵ” لە بەخشی “زەڕنە” و لە 15 كیلۆمتری باشووری رۆژئاوای گوندی “سەرتەنگ” و لە سەر رێگای چۆمی “كنگیر” سەر بە شاری ئەیوان لە پارێزگای كرماشان، كە لە سەر 4 ستوون دروست كراوە و دەگەڕێتەوە بۆ سەردەمی “ساسانیەكان” وێڕای ئەوەیكە ئاورگاكە لە سەروبەندی كوژانەوەدایە، بە بۆنەی چالاكیەكانی شیركەتێكی بەرد لەو ناوچەیە، مەترسی لەنێو چوونی ئەو ئاسەوارە مێژووییەی كوردستان دوور لە ئارادایە.
ئەو ئاورگا جوان و بێ وێنەیە كە لە پارێزگای ئیلامدا هەڵكەوتووە، لە پێگەیەكی بەرزی خوێندنەوەكانی ئاسەوارناسیدایە و بەهۆی چالاكیە ژینگەیی و مرۆییەكان بەشێكی لەم ساڵانەی دواییدا بەشێكی لەنێو چووە.
ئەو ئاورگایە لە گەچ و كوڵوە بەردەكانی نێو چۆم دروست كراوە و ئێستاكە بەرەو رووی فەوتان بووەتەوە، بەڵام حكومەت هیچ ئاوڕێك بۆ نەوژەنكردنەوەی داگیرسانەوەی ئەو ئاورگایه نادات و ئەگەری لەنێوچوونی یەكجاریشی لەسەرە.
