زاگرۆس پۆست
بەرپرسێكی فڕۆكەوانی كۆماری ئیسلامی ئێران رایگەیاندووە كە رۆژانە 900 فڕۆكەی خارجی بەسەر ئاسمانی رۆژهەڵاتی كوردستاندا دەفڕن، كە ئەوە ریكۆردێكی بێوێنەیە لە مێژووی فڕۆكەوانیی ئێراندا.
بە باوەڕی كارناسانی فرۆكەوانی ئێران، ئاڵۆزییەكانی وڵاتانی سوریە و عێراق و تێكهەڵچوونی ئەرتش و لایەنگرانی رووسیە لە ئۆكراین بە تایبەت دوای كەوتنە خوارەوەی فرۆكەی نەفەر هەڵگڕی وڵاتی مالزی لەو وڵاتە، كۆمپانیا نێودەوڵەتییە فرۆكەوانییەكان بەناچار كەڵك لە ئاسمانی رۆژهەڵاتی كوردستان وەردەگرن بۆ هاتووچۆ و ئەوەش بووەتە سەرچاوەیەك بۆ پیشەی فرۆكەوانیی ئێران ، داهاتێك كە بە زیاتر لە 50 ملیۆن دۆلار دەخەمڵێندرێت.
رۆژانە 900 فرۆكە بەسەر ئاسمانی كوردستاندا تێدەپەڕن، كە ساڵهایە دەناڵێت بە دەست نەبوونی ئیمكانات ، فرۆكە ، فرۆكەخانە و گەشتی ئاسمانییەوە و هەروەها دەوترێ دووكەڵی ئەو فڕكانە كەش و هەوای كوردستانی تێكداوە و مەترسی گیرۆدەبوونی هاوڵاتیان بە جۆرەها نەخۆشی مەترسیدار و لەوانە شێرپەنجە، رۆژ لە دوای رۆژ پەرە دەستێنێت.
