زاگرۆس پۆست
3 چەكداری دیكەی كۆماری ئیسلامی لە شاری “زەهەك” لە پارێزگای سیستان و بەلوچستان لە كاتی گەڕان و بە دەستی كەسانی نەناسراو كوژراون.
بە پێی وتەی فەرمانداری شاری “زەهەك” 2 كادری هێزە ئینتزامیەكان و سەربازێك لە كاتی گەڕان لە كاتی گەڕان بەسەر ناوچە سنوورییەكانی وڵاتی ئەفغانستان بە دەستی كەسانی نەناسراو كوژراون.
شاری زەهەك یەكێك لە شارە نائارامەكانی پارێزگای سیستان و بەلوچستان لە ماوەی چەند مانگی رابردوودا بووە و ماوەیەك پێش ئێستا جێگری فەرماندەی هێزە ئینتزامییەكانی سپای پاسداران باسی لەوە كردبوو، كەسانێ كە ئەو بە “تێرۆریست” ناوی لێ بردبوون هێرش دەكەنە سەر سنوورەكانی ئێران و چەكدارانی ئێرانی دەكوژن.
شایانی باسە، لە سەرەتای وەرزی پاییزەوە تا ئێستا، زیاتر لە 23 كەس لە چەكدارەكانی كۆماری ئیسلامی لە پارێزگای سیستان و بەلوچستان كوژراون و 2 ئۆتۆمبیل و فڕۆكەیەكی هێزە ئینتزامییەكان لەو پارێزگایە و لە سنووری وڵاتانی پاكستان و ئەفغانستان بە دەستی كەسانی نەناسراو لەنێو چوون.
