زاگرۆس پۆست
خەڵكی ناوچەكانی پاوە و جوانڕۆ بەرەوڕووی مەترسی كەمبوونی ئاو بوونەتەوە و لایەنە پەیوەندیدارەكانیش بۆ چارەسەركردنی ئەو كێشەیە، هیچ هەوڵێك نادەن و ئەمەش هاوڵاتیانی ناڕازی كردووە.
هەواڵەكان لەمبارەوە باس لەوە دەكەن، كە خەڵكی ناوچە جیاجیاكانی سەر بە شاری “جۆانڕۆ” خوازیاری دەستپێكی هەرچی زووتری عەمەلیاتی بەكردەوە دەرهێنانی “سەد”ی ئەو شارەن تا كێشەی ئاوی شارەكە و ئاواییەكانی دەوروبەری، چارەسەر بكرێت.
هەروەها لە شاری پاوە و دەیان ئاوایی كە لە دەوروبەری سەدی داریان هەڵكەوتوون لە ئاكامی بەكردەوە دەرهێنانی عەمەلیاتی دامەزراندنی “سەد”، ئاوی ماڵەكانیان بڕاوە و ئەمەش كێشەی بۆ خەڵكی ناوچەكە دروست كردووە.
جێگای وەبیرهێنانەوەیە، لە ماوەی رۆژانی رابردووشدا نزیك بە 72 كاتژمێر ئاوی شاری سەقز بە هۆی شكانی “شالوولە”ی ئاوی ئەو شارە بڕا بوو بەو هۆیەوە ئاو و نان لەو شارە زۆر بە دژواری دەست دەكەوت.
