زاگرۆس پۆست
چالاكێكی كرێكاریی خەڵكی شاری “سنە” لە لایەن دام و دەزگا ئەمنیەتی و ئیتلاعاتییەكانی كۆماری ئیسلامیەوە، بانگ كرایە ستادی خەبەری ئیتلاعات.
هەواڵەكان لەوبارەوە باس لەوە دەكەن، كە رۆژی یەكشەممە 25ی مانگی خەزەڵوەر “خەلیل كەریمی” لە ئەندامانی یەكیەتی كرێكارانی ئێران، لە لایەن دام و دەزگا ئەمنیەتی و ئیتلاعاتییەكانی كۆماری ئیسلامیەوە، بانگ كراوە و بە ماوەی چەند كاتژمێرێك لێپرسینەوەی لێ كراوە.
پێش ئازاد كرانی “خەلیل كەریمی” لە لایەن ئەو لێپرسەرانەوە پێی راگەیەندراوە، كە لە داهاتوویەكی نزیكدا دووبارە بانگ دەكرێتەوە بۆ ستادی خەبەری.
