زاگرۆس پۆست
چەند كاسبكارێكی خەڵكی شاری بانە لە لایەن چەكدارانی كۆماری ئیسلامیەوە درانە بەر دەستڕێژی گوللە و لە ئاكامدا چەند كەسێكیان بریندار بوون.
هەواڵەكان لەوبارەوە باس لەوە دەكەن كە، چەكدارانی كۆماری ئیسلامی لە پاسگای “ماڵەدۆم” هێرشیان كردە سەر ژمارەیەك كۆڵبەری چەمی “شابەدین” و لە نێوان كۆڵبەران و هێزەكانی رژیم تێكهەڵچوون هاتەئاراوە و لە ئاكامدا چەند كەس لە كۆڵبەران و كاسبكاران بریندار بوون.
دەوترێ دۆخی تەندروستی یەكێك لە كۆڵبەرەكان بە ناوی “حەسەن محەممەدی” زۆر ناجێگیرە و ئەمەش نیگەرانی لای بنەماڵەی ئەو هاوڵاتیە زەحمەتكێشە دروست كردووە.
