زاگرۆس پۆست
ئەمرۆ شەممە، یەكی مانگی نوامبر بەرامبەر بە 10ی مانگی رەزبەر وەكوو رۆژی جیهانی كۆبانێ دیاری كراوە.
لە چەند رۆژی رابردودا ژمارەیەك هەڵگری خەڵاتی نۆبڵی ئاشتی، رۆژی یەكی مانگی نوامبریان وەكو رۆژی كۆبانی دەستنیشان كرد.
بۆیەلەم رۆژە مەزنەدا بە میلیۆنان كەس لە كوردستان و ئەفغانستانەوە تا ئیكوادۆر لە كەنداوە‌و تا ئوسترالیا، بۆ پشتیوانی لە ژنان و پیاوانی قارەمان و خۆڕاگری كۆبانێ دەڕژێنە سەر شەقامەكان.
ئەم بڕیارە بە بانگەوازی ژمارەیەكی زۆر لە كەسایەتیە، ئاكادێمی، سیاسی و مەدەنی دیاری كراوە و ئەلدولف بریسی ئارژانتینی و هەڵگری خەڵاتی نۆبڵی ئاشتی‌‌و نوام چامسكی فەیلەسوفی ئەمریكای و لیزا مورغانتینی پەرلەمانتاری پێشووی یەكێتی ئوروپا، لە دیارترین ئەو كەسانەن كە بەشداری لە چالاكیەكاندا دەكەن.
چالاكیە لەژێر ناونیشانی “كۆبونەوەی جیهانی لەپێناو كۆبانی‌‌و مرۆڤایەتیدا لەدژی داعش” لە 92 شاری 30 وڵاتی ئەوروپی‌‌و ئەمریكی‌‌و ئەفریقی‌‌و ئاسایی بەرێوەدەچێت.
