زاگرۆس پۆست
كرێكارێكی خەڵكی شاری سەقز لە كاتێكدا كە ویستوویەتی بە گازی پیكنیك ماڵەكەی گەرم بكاتەوە، گازەكە لە نێو ماڵەكە بڵاو بووەتەوە و بەو هۆیەوە گیانی لەدەستداوە.
سەرچاوەكانی هەواڵ باس لەوە دەكەن كە، هاووڵاتییەكی تەمەن ٣١ ساڵ، كە نیگابانی كارگەیەكی ماسەشویی لە بەخشی سونەتەی شاری سەقز بووە، بە هۆی گازگرتووی گیانی لەدەستداوە.
شایانی باسە، ساڵی رابردووش 2 كرێكاری خەڵكی شاری ورمێ و كرێكارێكی سەقزی دیكە، لە باشووری كوردستان بە هۆی گازگرتوویی گیانیان لەدەستدا. ئامارەكانیش باس لەوە دەكەن كە، ساڵی رابردوو 20 هاوڵاتی لە رۆژهەڵاتی كوردستان لە ئاكامی بەربوونەوەی گاز لە نێو خانووەكانیان گیانیان لەدەستداوە و دەبێ بوترێ كە، ئەم ئامارانە پشتبەستوو بە ئامارە حكومەتیەكانن و پێدەچێ ئامارە راستەقینەكان زۆر لەمە زیاتر بێت.
