توركیە شارەكانی “شرناخ، هەكاری و ئاسمانی قەندیل”ی میلیتاریزە كردووە

سەرچاوەیەك لە پارتی كرێكارانی كوردستان (پەكەكە) رایگەیاندووە، كە سپای توركیە هێزێكی زۆری رەوانەی ناوچەی شرناخ‌و هەكاری كردوە‌و پێدەچێت بەنیازی ئەوە بێت شەڕ هەڵگرسێنێت.

سەرچاوەكە لە درێژەدا وتوویەتی: پاش ئەوەی سیاسەتەكانی دەوڵەتی توركیە لە پشتگیریكردنی داعش ‌و بەشداری نەكردنی لە هاوپەیمانی جیهانی دژی داعش شكستی خوارد، ئێستا بە ناردنی هێز بۆ ناوچەكانی باكوری كوردستان بەنیازە شەڕ لە دژی پەكەكە دەست پێ بكاتەوە.

ناردنی ئەو هێزانە لەكاتێكدایە كە فرۆكە جەنگییەكانی توركیە بە ئاسمانی ناوچەكەدا دەسوڕێنەوە‌و ئەمرۆش سنوری ئاسمانی هەرێمی كوردستانیان بەزاند و هاوكات لەگەڵ ئەو گەشت لێدانەدا هێزەكانی باشووری كوردستان بەرەو شاری كۆبانێ بە مەبەستی پشتیوانی لە خۆڕاگری وەڕێكەوتبوو.