زاگرۆس پۆست
بە پێی هەواڵی كەمپەینی بەرگری لە زیندانیانی سیاسی‌و مەدەنی، رۆژی چوارشەممە 6ی سەرماوەز پێنج كەس لە زیندانی بەندەرعەباس لەوانە 3 پیاوو 2 ژن ئێعدامكران. تا ئامادەكردنی ئەم هەواڵە، هیچ زانیاریەك لە ناوو تاوانی كەسانی ئێعدامكراو لەبەردەستدا نیە. پاش هاتنەسەركاری دەوڵەتی رووحانی لەماوەی 3 مانگی رابردوو، بە پێی ئەوەیكە چاوەڕوان دەكرا رەوتی ئێعدامەكان كەم بێتەوە، بەڵام بە پێچەوانە دەوڵەتی تازە بەدەسەڵات گەیشتوو، خێراییەكی زۆرتری داوەتە رەوتی لە سێدارەدان‌و ئەمەش وایكردووە، ناوەندە نێونەتەوەییەكانی لایەنگری مافی مرۆڤ، داوایان لە كۆماری ئیسلامیی كرد، رەوتی ئێعدامەكان رابگرن.
