زاگرۆس پۆست
بەرپرسێكی حزبی ئاشكرایكرد، رێكخراوی توندڕەوی داعش فەرمانی لە سێدارەدانی بە سەر 6 چەكداری خۆیدا سەپاند، كە چەكەكانیان فڕێ دابوو و هەڵاتبوون.
سەعید مەموزینی یەكێك لە فەرماندەكانی كورد بە (باسنیوز)ی راگەیاند، دوای ئەوەی چەكدارانی داعش لە 2 رۆژی رابردوودا هێرشیان كردە سەر هێزەكانی پێشمەرگەی كوردستان و شكستیان هێنا و كوژراوێكی زۆریان لێ كەوتەوە، چەكدارانی داعش ئێستە هەوڵی راكردن لە ناو شاری موسڵ دەدەن.
ناوبراو ئەوەشی ئاشكراكرد كە بە پێی زانیارییەكانی، ئەمڕۆ چوارشەممە 30 مانگی رەزبەر لە قەزای (بەعاج)ی رۆژئاوای شاری موسڵ، ژمارەیەكی زۆر لە چەكدارانی داعش رایان كردووە و بەشێكی زۆریان لە دەست رێكخراوەكە رزگاریان بووە، بەڵام ‘6 لەو چەكدارە هەڵاتووانە، هەوڵی هەڵاتنەكەیان شكستی هێناوە و دەستگیر كراون، بەو هۆیەشەوە دەست بەجێ لە سێدارە دراون’.
