سەركردەیەكی یەكێتی كۆچی دواییكرد

میدیاكانی یەكێتی هەواڵی كۆچی دواییكردنی سەركردەیەكی حیزبەكەیان بڵاوكردەوە.

میدیایی فەرمی یەكێتی ئێوارەی ئەمڕۆ  چوارشەممە 22ی مانگی رەزبەر، هەواڵی كۆچی دواییكردنی “بەكری حاجی سەفەر” پێشمەرگەی دێرین و سكرتێری پێشووی ئەنجوومەنی ناوەندی یەكێتی نیشتمانیی كوردستانیان بەهۆی نەخۆشییەوە بڵاوكردەوە.

بەكری حاجی سەفەر یەكێك بوو لە سەركردە دیارەكانی كۆمەڵەی رەنجدەرانی كوردستان و یەكێتی و لە پێشمەرگە سەرەتاییەكانی شۆڕشی نوێی كورد لە باشووری كوردستان دادەندرێت.

بەكری حاجی سەفەر یەكێك لە سەرەكیترین هاوڕێیانی كاك فواد موستەفا سوڵتانی سەرەكیترین دامەزرێنەر و لە یەكەم سەركردەكانی بزووتنەوەی چەپی رۆژهەڵاتی كوردستان بوو.